9. Eguna!!

Goiza hasteko, egunero bezala jolas librea egin dugu eta bukatzeko unea iritsi denean, haurrek gela aurretik zegoen bezala utzi dute.Gero, arduradunaren unea izan da, eta asko disfrutatu du bere azkeneko eguna arduradun bezala,  gaur hiru egunak bete ditu eta bihar gelako arduraduna aldatuko egingo dugu. Bitartean, mahai batean neskatxa batekin idazten eserita egon nahiz, izan ere, goizean gaur bere amaren urteak direla esaten etorri zait, eta horregatik jolas librean marrazki polit bat egin dio eta “ZORIONAK AMA” jartzen lagundu diot. Bukatu dugunean, marrazkia bere kaxan utzi eta beste umeekin eseri gara.

Arduradunak egin beharrekoa bukatu duenean ordenagailu gelara joan gara!! Lehen eguna da beraiekin ordenagailu gelara ordenagailuan ibiltzera joaten naizela! Nekanek, hasieran astean bi aldiz joaten zirela esan dit, baina hainbeste haur izanda, azkenean irakasleak ados jarri ziren eta orain astean behin joaten dira. Umeak binaka jarri dira ordenagailuetan, bakoitza bere kaskoekin, eta Nekane eta ni ordenagailuetatik pasatu gara betiko programa zabaltzeko. Zein gustura ibiltzen diren programa honetan dauden ariketak egiten! Gehien kostatzen zaiena beraien txanda itxarotea da!

Esan behar dut, orain arte ordenagailu gelara askotan joan garela, han umeen urteak ospatzen baititugu eta bertan filmak ikusten baititugu ere.

Nekane eta biok ordenagailu batean eseri gara, niri , hiru , lau eta bost urtekoekin zein programa motak erabiltzen dituzten erakusteko. Oso interesgarria iruditu zait, ikusi dudanez, adinaren arabera ariketak asko aldatzen dira; adibidez, lau urtekoen marrazketa gidatuko ariketetan kolore guztiak zenbaki bat dute, eta koloreztatu behar den irudiak ere zenbakiak ditu; aldiz,lau urtekoen marrazketa gidatuko ariketetan, koloreztatzeko, gehiketak eta kenketak egin behar dituzte.

            Arratsaldean, irakasleak atzo inurritegiarekin ateratako argazkien fotokopiak ekarri ditu. Bakoitzari bat banatu diogu, gero, lan- koadernoan kolarekin jartzeko. Talde bakoitzeko arduradunak, liburuak eta arkatzak hartu eta bere mahaira eraman ditu, Nekanek eta biok, berriz, kolak banatu ditugu.. 13.orrialdea zabaltzerakoan, leku handi bat genuen bertan argazkia itsasteko, baina lehenengo bakoitzaren izena idatzi dute, eta gero, binaka kola txandatu eta argazkia jarri dute. Gainera, inurritegiarekin ateratako argazkia zela jakiteko, argazkiaren ondoan inurritegi bat margotuta zetorren.

            Aipatutako ariketa lan- koadernoko azken ariketa zen, beraz, udazkeneko gaia bukatu dugu! Eta hori dela eta, ume bakoitzari bere karpeta eman diogu, bertan lan- koadernoa eta “Txirrita eta Inurriaren” ipuina gordetzeko. txera joan baino lehen, gelatik karpeta hartu dute.

            Gai berria etxeari buruzkoa da, hau da, etxeko gauzetaz eta geletaz hitz egiten du.

Arratsaldean gai honekin hasi gara, lehenengo mural batean Txirritx bere etxeko gela ezberdinetan ikusiz, eta gero, asmakizunetan jolastuz.

Oso gai polita eman behar dugu oraingoan ere!